Հիմնադիր, տնօրեն

Արեգ Կարապետյան

Արեգը հիմնադրել է կազմակերպությունը Կլաուս Տոյֆերի կրթաթոշակային ծրագրի ավարտից հետո, Գերմանիայի բնության պահպանության դաշնային գործակալության Բնության պահպանության միջազգային ակադեմիայում, միջազգային լավագույն փորձը Հայաստանում ներկայացնելու նպատակով։

Իր մասնագիտական շրջանակները ներառում են անտառների կայուն կառավարումը, կենսաբազմազանության և լանդշաֆտների պահպանությունը։ Նա աշխատել է մի շարք տեղական և միջազգային կազմակերպություններում որպես փորձագետ և կառավարիչ։

2018 թվականի նոյեմբերից մինչ 2019 թվականի նոյեմբերը Արեգը աշխատել է Հայանտառ ՊՈԱԿում որպես տնօրեն։

ՍՈԼՅՈՒՏՈՆում Արեգը պատասխանատու է անտառային և լանդշաֆտային նախագծման ծրագրերի համար, ինչպես նաև ձեռնարկության ամբողջական կառավարման համար։

Ծրագրերի համակարգող

Դավիթ Աբովյան

Դավիթը ավարտել է Հայաստանի պետական տնտեսագիտական համալսարանը «Ձեռնարկությունների կառավարում» մասնագիտությամբ։ Համալսարանական ուսումն ավարտելուց հետո սկսել է աշխատել որպես անտառների հաշվառող ու ռեսուրսների գնահատող 15 անտառային տնտեսության և 2 ազգային պարկի կառավարման պլանների մշակման ժամանակ, շրջելով հանրապետություն ողջ տարածքով հետագա 7 տարիների ընթացքում։

Ավելի ուշ Դավիթը համակարգել է համայնքային զարգացման տարատեսակ ծրագրեր Օքսֆամում, Հայաստան համահայկական հիմնադրամում, Կանաչ արահետում ու Վորլդ վիժնում։

Ներկայումս նա համակարգում է ագրոբիզնեսի զարգացման ծրագրերը ՍՈԼՅՈՒՏՈՆում։

Ծրագրերի համակարգող

Թագուհի Մանվելյան

Թագուհին ամենից երիտասարդն է մեր թիմում, ով ներկայումս աշխատում է հեռավար Ֆրանսիայից։ Այս ընթացքում նա ուսանում է «Բնական ռեսուրսների կայուն կառավարում» Էրազմուս Մունդուս ծրագրի շրջանակներում եվրոպական միաժամանակ 4 համալսարաններում։

Նա միացել է ՍՈԼՅՈՒՏՈՆին որպես «Հայաստանում հյուրընկալության ոլորտի երկարատև զարգացման հնարավորությունների ուսումնասիրություն» ծրագրի կառավարիչ։ Հետագայում նա շարունակեց աշխատել հյուրընկալության ոլորտի ձեռնարկությունների հետ՝ նպաստելով կարողությունների զարգացմանը, այսպիսով սկիզբ դնելով ՍՈԼՅՈՒՏՈՆում նոր ուղղության։

Ծրագրերի համակարգող

Տիգրան Օգանեզով

Մեր գործունեության հաջորդ կարևոր ուղղությունն է թափոնների կառավարումը, էներգիան և ջորը, որը ներկայումս համակարգվում է Տիգրանի կողմից։ Նա մասնագիտությամբ բնապահպանական ճարտարագետ է։ Բնապահպանական ռիսկերի կառավարման, շրջակա միջավայրի վրա գործունեության ազդեցության գնահատման ոլորտներում ունի ավելի քան 15 տարվա աշխատանքային փորձառություն։

Տիգրանը աշխատել է հանրապետությունում ենթակառուցվածքների զարգացման մի շարք խոշոր նախագծերում որպես փորձագետ, ինչպես նաև Կովկասի տարածաշրջանային բնապահպանական կենտրոնի կողմից իրականացված Ռեսուրսաարդյունավետ և մաքուր արտադրություն ծրագրում հանդիսացել է աշխատանքային խմբի ղեկավար։

Ներկայումս Տիգրանը ուսանում է ասպիրատուրայում «Քիմիական տեխնոլոգիաներ և բնապահպանական ճարտարագիտություն» մասնագիտությամբ։